TAMBUA NAMNA YA KUSHINDA TAMAA ZA UJANA (sehemu ya kwanza)

TAMBUA NAMNA YA KUSHINDA TAMAA ZA UJANA

Sehemu ya kwanza(1)

Bwana Yesu asifiwe sana.Nakukaribisha tena katika masomo yangu ya kujengana katika Bwana.Na leo nimepewa kibali kingine tushirikiane katika somo jingine la namna gani kijana ataweza kushinda tamaa na kuziweza.KARIBU SANA

Nakumbuka kipindi Fulani tukiwa katika mkesha wa vijana kanisani kwetu baada ya maombi na neno tulianza kipindi  cha maswali na nakumbuka kati ya maswali yaliokuwa yakisumbua sana vijana ni pamoja na hili ni kwa kiasi gani kijana ataweza kushinda tamaa.Nakumbuka vijana walitoa maoni yao katika swali lakini bado kulionekana wengine kutokua na uelewa wa kile kilichokuwa kinajibiwa pale.Si hivyo tu nimepitia pia katika makanisa mbalimbali na nikakumbana na aina ya maswali kama hayaKiufupi kila sehemu na kila eneo linalomuhusu kijana pamekua na tatizo hili la namna gani wanaweza kushinda katika mtihani huo;usiwe na hofu fuatana nami katika somo hili utapata kitu cha kukusaidia.

NINI MAANA YA TAMAA

Kila siku katika luninga,filamu,magazeti na vijarida mbalimbali kwa namna moja au nyingine vimekua vikiwavita vijana wengi katika tamaa kutokana na picha chafu na filamu za ngono.Na hili huwajengea vijana wengi kuwa na mawazo ya tamaa na kuwa kama mfumo wa maisha yao ya kila siku,jambo ambalo linawafanya kua mfungwa katika tamaa.

Tamaa ni hisia,mihemko zinazotamaniwa na mwili.Na hii inaweza ikawa tamaa ya ujuzi,ngono au ya nguvu/utawala.

Tambua ya kua tamaa ni roho;ninaposema roho naamanisha kuwa ni nguvu(force) inayoweza kukuchochea kufanya au kutenda jambo kinyume na matakwa yako binafsi.Mtume Paulo analielezea hili vizuri kwenye kitabu cha (Warumi 7:17-19)

17  Kwa maana najua ya kuwa ndani yangu, yaani, ndani ya mwili wangu, halikai neno jema; kwa kuwa kutaka nataka, bali kutenda lililo jema sipati.

18  Kwa maana lile jema nilipendalo, silitendi; bali lile baya nisilolipenda ndilo nilitendalo.

19  Basi kama lile nisilolipenda ndilo nilitendalo, si mimi nafsi yangu nilitendaye, bali ni ile dhambi ikaayo ndani yangu.

Kama nilivosema kua roho yeyote humfanya mtu kutenda yale inayoyataka kupitia nafsi ya mtu ambayo ndio inayoweza kufanya maamuzi ya kutenda.Sasa tunaposema tamaa ni roho ni roho inayochochea kwa kupenda au kwa kutokupenda  kwa kutenda au kufanya tamaa.

Mstari wa 17 Paulo anasema maana ndani ya mwili wangu halikai neno jema (body principle) Tafsiri nyingine inasema ni ile roho ikaayo ndani yangu.ndiyo inayomfanya aweze kutenda asiyopenda.

Kwa undani andiko hili Paulo alikuwa akiongelea mwili wake mwenyewe kua hawezi kuumiliki kwa kile kilichopo ndani yake hakimpelekei kushinda mwili wake mwenyewe japo alikuwa Mtume mkubwa lakini bado lilikua tatizo kwake.

Ngoja nikwambie kitu njia bora ya wewe kuweza kushinda tamaa ni jinsi gani wewe mwenyewe umewekeza nini ndani yako mwenyewe;unaweza ukawa umeokoka lakini bado tatizo liko palepale tatizo si wokovu ulionao tatizo ni ndani unaongozwa na aina gani ya roho??

Ngoja nikwambie japokua umeokoka na inawezekana Mungu anakutumia vizuri lakini tatizo linakuja kwenye tamaa zinakushinda kabisa namna ya kuziweza.Jua ya kuwa miili yetu inaongozwa na kile kilichomo ndani kama ni kibaya hata kama umeokoka bado utakua na tatizo lile lile.Hapa nazungumzia roho ya asilia.Ambayo hii huwa kwa kila mwanadamu huwa na tamaa lakini je unaroho ya aina gani ili iweze kuishinda

Roho ndio inayochochea mtu kufanya yale mtu anayotaka na asiyotaka kwa kufanyia kazi kwenye nafsi yako na baadaye mwili unafanya kuitikia.

Mathayo 5:27-28 27  Mmesikia kwamba imenenwa, Usizini;

28  lakini mimi nawaambia, Kila mtu atazamaye mwanamke kwa kumtamani, amekwisha kuzini naye moyoni mwake.

Andiko apo juu linatwambia amtazamaye mwanamke kwa kumtamani amekwisha kuzini naye moyoni mwake.Hebu jiulize kutokana nahuo mstari ni mara ngapi tumekua tukizidi hata pasipo sisi kujua?

Ila maana kubwa sana hapo ni neno ``amekwisha kuzini naye moyoni mwake`` kama ulinielewa hapo juu nilisema kua tamaa ni roho itendayo kazi ndani ya moyo wa mwanadamu kwa kusisimua baadhi ya viungo kwenye mwili wa mwanadamu.

Ngoja nikuoneshe jinsi nilivojifunza andiko hili na kunisaidia katika hali ya tamaa;Pindi nionapo picha chafu,majarida machafu au mwanamke mwenye kuvaa kimatamanio,kwa haraka nimeshafahamu image imeshaingia ndani ya moyo wangu ninachokifanya ni kuacha kuangalia na kuanzisha jambo jipya ndani; linaloweza kunitoa kimawazo katika mtego huo kwa kuangalia ndani yangu;hapo pia hutegemea sana aina ya mazingira uliyojijengea hasa kwa Mungu

Asilimia kubwa ya vijana wanaoanguka katika tamaa ni wale wanaoathiriwa na mazingira wanayoishi;hivyo huwajengea mioyo yao kuwa katika hali iyo iyo ambayo ni ngumu pia kukomboka.

KUTOELEWA ASILI YA TAMAA

Jinsi tamaa inavyofanya kazi imekua haieleweki kwa watu.Kwa maana tamaa ya mtu mmoja ni tofauti sana na ya mwingine.Nipende tu kusema kua tamaa ni Zaidi ya mihemuko ya mwili kwa sababu neno tamaa ni hali inayojumuisha mihemuko ya mwili pamoja na moyo ikitendewa kazi na roho.

Tamaa ni kupata(feeling) raha ya tendo la ndoa (sex gratification) kwa yeyote isipokuwa mke au mme wako wa ndoa;Ndio maana Yesu alisema ``kwa kumtamani amekwisha kuzini …``.

Mfano halisi wa hichi ninachokisema hapa ni pale yule mwanamke aliyekua akitaka kuuwawa kwa kupigwa mawe kwa sababu ya uzinzi ila Yesu akachora chini kwamba yeyote ambaye anajiona hana dhambi awe wa kwanza kumtupia mawe uyu.Ivi unajua maana halisi ya habari ile? Watu wengi hasa makanisani tumekua wakwanza kuwahukumu wengine hasa wale waangukao kwenye tamaa huku wengi wetu bado tatizo ilo litusumbua. itaendelea...

 mawasiliano; 0762759621, 0653194411

Imeandaliwa na JAMES F. MNZAVA