ISHINDE ROHO YA UCHUNGU

ISHINDE ROHO YA UCHUNGU

Bwana Yesu asifiwe sana.Kuna kipindi mama mmoja alinifuata na kuniambia kwa muda wa wiki nzima amekuwa akisumbuliwa sana na uchungu hasa pale alipokuwa akiwaza familia yake na umekuwa ukimzidia pindi anapomuwaza mme wake.Jambo ambalo lilikua likimsumbua sana hadi kumfanya kulia wakati mwingine.Si hivyo tu nimkutana na wapendwa mbalimbali pamoja na wengine ambao sio wapendwa wakisumbuliwa sana na tatizo hili la uchungu.Ila leo Bwana amenipa kibali niweze kusema na wewe kuhusu tatizo hili.Inawezekana pia wewe umekuwa mhanga wa tatizo hili la uchungu;fatana name hadi mwisho wa ujumbe huu naimani hautakuwa kama ulivo tena ujumbe huu utakubadilisha maisha yako kabisa.

NINI MAANA YA UCHUNGU

Neno uchungu ni masikitiko ya ndani,Zaidi ya kupoteza;huzuni.Hasa ya ndani ya moyo masononeko ambayo mara nyingi hayana mwisho wa haraka na wa mapema.Hii haiwi ndogo,lakini mara nyingine inahusiana kumpoteza yule uliyempenda.Inahusianisha hisia za kuwapoteza vitu,watu na thamani.Watu wengi katika uchunguzi nilioufanya wamekuwa na uchungu hasa kwenye kuvunjika(break) kwa mahusiano,kupoteza kazi,ujana,kupoteza haki na mengineyo mengi.

Nipende kukwambia kua uchungu ni moja ya janga kubwa sana linalowasumbua watu wengi katika dunia.lakini ukijua namna ya kuachilia hali iyo haitakutesa tena maishani

Mtu yeyote yule aliyeishi katika kimo tofauti na miaka tofauti katika maisha haya utajua kua uchungu ni janga,roho na hali isiyoepukika;ni sehemu mojawapo katika maisha ya mwanadamu.Hivyo ni Dhahiri kwamba hatuwezi kujiepusha na uchungu bali tunaweza kujiepusha na matokeo yatokanayo na uchungu..

Kikawada watu wengi waingiapo katika hali ya uchungu hupitia katika hatua hizi zifuatazo;

·         Mshtuko na ganzi na mawazo yasiyo halisi

·         Kutoa hisia za huzuni,ikiwemo kulia

·         Mfadhaiko na ukiwa(loneliness)

·         Hofu ya kuchanganyikiwa(panic)

·         Mawazo ya kujiona una hatia

·         Hasira na kuchukia

·         Mpambano katika kuacha uchungu na kurudi katika hali ya kawaida(normal life)

·         Taratibu furaha inarejea

JE WAJUA YA KUWA UCHUNGU NI ROHO

Tafsiri ndogo tu ya neno roho ni pumzi,/ni nguvu(force) inayochochea au inayoshawishi matakwa ya mtu.Sasa tukirudi kwenye uchungu tunapata maana halisi juu ya roho ya uchungu kua ni roho ambayo inakuchochea au kukushawishi ili kuweza kufanya matakwa yake kwa kupenda kwako au kwa kutopenda kwako.

Kati ya vitu vya kwanza kabisa ambavyo nimewahi kuhudumu na kupata uzoefu nimetambua ya kuwa uchungu huwatokea watu karibia wote lakini ajabu huwa na tofauti kutokana na mtu na mtu(spiritual)

Hii ni ya muhimu sana.Moja ya njama kubwa ya udanganyifu ambayo shetani huitumia katika kuwadanganya watu ni kuwafanya wajione hali wanazipitia hakuna anayejua ila wewe mwenyewe tu,kitu ambacho ni cha ajabu sana na uongo wa Dhahiri ila ni mbinu mojawapo ya adui.Hata kumekua na nyimbo kabisa watu huimba kuwa ``Hakuna ajuaye taabu nilizonazo,hakuna ajuaye huzuni zangu`` ilo sio kweli unajidanganywa mwenyewe.(spiritual work).

Maandiko yameweka haya wazi sana kua hakuna jaribu linalotupata sisi isipokuwa kawaida za wanadamu;(1Wakorintho 10:13).

KUMBUKA KUA HALI YEYOTE ILE UNAYOIPITIA KATIKA MAISHA YAKO SI KWAMBA NA WENGINE WALISHAPITIA, BALI TUNAPITIA SISI SOTE PIA.

Hii ni ya muhimu sana kuelewa.Kama shetani atakufanya uelewe kuwa hali unayoipitia ni ya kipekee hapo moja kwa moja utakuwa umejitenga na msaada wowote ambao utakuwa upo halali kwa ajili yako

Njia bora naya muhimu ya kuondokana natatizo la uchungu unahitaji watu.kujihurumia,na kila majeraha ya matokeo ya uchungu yanaweza kufanyiwa kazi katika hali ya jeuri.Naamanisha unapoweka furaha yako na kuionesha kwa wengine inapelekea matokeo hasi ya uchungu kupotea na kuisha kabisa.Pia kumbuka kua shetani hupendelea kumuangusha mtu mbele ya wenzake na katika jamii ya watu ili kukuaibisha na kuingiza uchungu na kukufanya kua mateka rahis sana kwake.

Mtume Petro aliliweka wazi sana hili (1 Petro 5:8-9) Petro alisema kua pamoja na mateso na mapito mbalimbali tunayopitia yaletayo uchungu ndani ya mioyo tujue ya kuwa ipo faraja maana wapo watu pia wanaopitia mates hay ohayo kama sisi.Ila kwa upande wa shetani anakwambia matatizo hayo ni yakow ala wengine hawajateseka kama wewe.kimbia uongo huo wa shetani.

Kijana mmoja alinijia akaniambia kua amekua katika mahusiano ya mapenzi katika vipindi tofauti tofauti lakini katika vipindi vyote ivo hakua na mahusiano ya kudumu maana kila msichana aliyekuwa naye amekua akimkimbia na kua na mahusiano na wanaume wengine.Lakini wakati akiendelea kunielezea shida yake niligundua alikua na uchungu sana na alikua akilalamika kua kwanini yeye mambo hayo ya kusaitiwa na wapenzi wake limekua likimtokea.

MADHARA YATOKANAYO NA UCHUNGU

·         HASIRA.    Mtu mwenye hali ya kuwa na uchungu kwa muda mrefu hukumbwa na hali ya kuwa na hasira mara kwa mara.Na hii hutokana na pale mtu anapokata tamaa kabisa katika hali aliyomsababishia uchungu na kuanza kufanya mambo kwa pupa na hasira pia

·         MSONGO WA MAWAZO (stress)    Unapokuwa katika hali hii mara nyingi wengi wa watu hukumbwa na msongo wa mawazo na tatizo hapa ni wengi wetu hatujui kuwa uchungu ni jambo la muda  tu

·         KUJIKINAI NA KUJIKATAA

·         KUJIDHARAU

·         MAGONJWA

·         HOFU YA MARA KWA MARA

·         CHUKI

·         NA MENGINEYO MENGI

Nataka ujifunze kitu hapa karibia asilimia 90% ya watu wenye matatizo mbalimbali wameyafanya yao kwa uongo ndani ya mioyo yao ambao shetani amekua akiwachochea siku hadi siku jambo ambalo silo.

Nilimpa ushuhuda mwingine wa kijana ambae kwa sasa ameshaoa ambaye alishapitia hali kama yake na Zaidi yake kabisa na jinsi alivoshinda.Na lengo hasa apa ni kutaka kufahamisha kua kila hatua unayopitia si tu na wengine wanapitia bali na sisi sote tunapitia ila katika hali tofauti.baada ya kuongea na kijana yule na kumuaminisha kua si yeye tu bali wapo walioshinda akapatwa na furaha ya kuendela Zaidi hadi sasa kijana yule anazidi kuendelea katika Bwana.Haleluyah

Mtu yeyote ambaye hukataa kupokea faraja na kutiwa moyo juu ya kufaulu na kushinda kwa wengine ni watu ambao wanawakati mgumu sana pia kuona ushindi juu ya maisha yao wenyewe.

JIFUNZE KWA MTUME PAULO

Kitu kingine cha kukumbuka hasa unapopatwa na uchungu tambua uchungu ni hali yam da/kitambo si janga la kudumu hata kifo ni kutengana kwa muda tu ipo siku tutakuwa pamoja pia na wale waliotutangulia. (1Thesalonike 4:13-18)

Hapo mtume Paulo anawaambia kanisa la Thessalonike kua pamoja na kua kifo huleta uchungu kwa watu lakini imewapasa kutambua kwa waamini kua kifo ni kutengana kwa mda tu (long separation).Ila baadae kuna kuonana tena na anamalizia kusema farijianeni na maneno hayo.Kumbuka hili pia litaleta faraja.

Mtume Paulo ni mmoja wa mitume waliopata mateso ya uchungu mwingi kuliko mwingine yeyote yule.Japo mateso yake hayakuhusisha mateso ya mwili tu lakini pia maumivu ya ndani(emotional pain) ambapo wengi wetu hatuwezi hata kuwaza kuhusu ilo.Lakini bado anasema dhiki yetu nyepesi …(2Wakorintho 4:17)

Si kwamba dhiki ya Paulo ilikuwa nyepesi kama tunavodhania ila alichukua mateso yale pamoja na uchungu katika mtazamo mwingine kabisa.Watu wengi wenye matatizo hasa ya uchungu huchukulia kama tatizo kubwa sana kwenye maisha yao kitu ambacho sio kizuri.Cha muhimu kutambua apa ni kuwa uchungu huwa wa muda mfupi ndio maana Paulo anaiita ni dhiki ya kitambo kidogo tu

Tukirudi katika ule mpangilio wa uchungu hapo juu tunaona kwamba watu wengi wamekuwa wakipambana sana katika ile hatua ya kutafuta kuacha uchungu na kurudi katika hali zao za kawaida.Ngoja nikupe mfano wa kukusaidia ukisoma kitabu cha Mwanzo 23 1-4.H apa tunaona tukio lililompata baba Ibrahimu la uchungu ambapo mke wake sara alifariki jambo ambalo huleta uchungu kwa yeyote yule.Lakini hebu tuangalie katika mstari wa 3 Ibrahim alifanya nini baada ya mambo hayo kumpata;

Mwanzo 23:1-3 1  Basi umri wake Sara ulikuwa miaka mia na ishirini umri wake Sara.

2  Sara akafa katika Kiriath-arba, ndio Hebroni, katika nchi ya Kanaani. Ibrahimu akaja kumlilia Sara na kumwombolezea.

3  Akaondoka Ibrahimu kutoka mbele ya maiti wake, akasema na wazawa wa Hethi, akinena,

Alichokifanya hapa Biblia inasema aliondoka mbele ya maiti wake.Alishaachilia kuwa tayari jambo limeshatokea na kuamka ili kutafuta njia ya kutokea.

na saba ndio

Naamini watu wengi hasa wakristo wamekuwa wakijifunga katika kifungo cha uchungu kwa kutokujua kwamba uchungu ni hali na hatua inayotupata sisi sote,na tatizo kubwa ni wengi wa wakristo kutokujua kanuni bora za kushinda uchungu.Japo hatuwezi kuwa na aina moja ya uchungu maana watu hutofautiana lakini Mungu alitengeneza kitu kinaitwa uponyaji.Uponyaji ni hatua inayochukua mda kidogo kidogo sio kama muujiza jambo ambalo ni la haraka kutokea.

JINSI YA KUSHINDA UCHUNGU

Waebrania 12:14 14  mkiangalia sana mtu asiipungukie neema ya Mungu; shina la uchungu lisije likachipuka na kuwasumbua, na watu wengi wakatiwa unajisi kwa hilo.

Katika Biblia kuna dhambi ambazo ni za nafsi hizi kufanyika ndani ya mioyo ya watu pasipo kutambuliwa na wengine dhambi izo ni kama uchungu,hasira,tamaa chuki izi zote hazina vitendo pindi zifanyikapo ila zina mdhara makubwa hata kwa wengine ndio maana mtume Paulo aliwaambiwa Waebrania kua lisije kuchipuka shina la uchungu na wengine wakatiwa unajisi kwalo.

Kwanza tambua kua uchungu ni dhambi ya nafsi ambao ukiruhusu ukae nao moja kwa moja huwaathiri wengine hata wewe pasipo kujua.

1.    JIFUNZE KUSAMEHE.Kusamehe sio kujifanya kuwa mambo yako sawa kumbe sio.Kwa tafsiri nzuri ya neno MSAMAHA- ni kitendo cha kudhili(surrendering) matamanio yetu ya kulipiza kisasi.

Ile hali ya kulipiza kisasi kwa wale waliokufanya uumie na kuwa na uchungu iondoe kwa kuruhusu msamaha ndani yako.Kumbuka msamaha ndicho chanzo cha uponyaji wako.

2.      WEKA MALENGO.Kusamehe kunaachilia nguvu unayoihitaji kuponya jeraha lakola uchungu.Kama utajiwekea maleongo na mipango kwamba ni kwa kiasi gani tatizo la uchungu umelipa na sababu zake ni tiba tosha ya kuponya jeraha lako.Na pia kujiepusha na mitego au visababishi vya uchungu mwingine kwa kubadilisha aina pia ya maisha unayoishi,kubadilisha marafiki na watu ulionao.

3.      ACHA KUWAZA NA KURUDIA RUDIA.Pindi ukishaondokana na tatizo la uchungu panga mikakati mingine na achilia kabisa kwani kuwaza tena namna ilivyotokea kunasababisha kurudi tena kwenye tatizo

4.      OMBA NEEMA YA MUNGU.Inaweza ikawa ni vigumu sana kuponya majeraha yote yatokanayo na uchungu maana mengine huwa ni magumu Zaidi yanahitaji neema ya Mungu Zaidi.Jifunze kua mtu wa maombi ya mara kwa mara maana tabia huondolewa pole pole hasa kama ni muombaji mzuri.

5.      TAFUTA MSAADA/USHAURI KWA WENGINE.Si mambo yote yanawezekana kutatuliwa na sisi wenyewe tunahitaji msaada kwa wengine hasa kwa wale waliofanikiwa Zaidi yetu kwa kuwaomba ushauri kwamba wamewezaje kushinda na kufaulu katika matatizo kama hayo

AMEN UBARIKIWE

     Kwa mawasiliano zaidi;  0762759621, 0625782324

     Imeandaliwa na kuandikwa na; JAMES F. MNZAVA