KWANINI IMANI?

KWANINI IMANI?

Nawasalimu katika jina la Bwana Yesu kristo.Unaweza ukawa na maswali mengi sana kuhusiana na Imani.Ila leo nimeona ni vyema tukashirikishana maana halisi ya Imani na jinsi inavyotenda kazi.

Kwanza kabisa nipende kukujulisha haya yafatayo ambayo yataweza kukusaidia kwenye hili somo.Je unafahamu maana ya Imani?,je unafahamu umuhimu wa Imani?,je wajua inachukua Imani ili tuweze kuamini Kristo,je wajua kua unachukua Imani kuamini kile ambacho Mungu amekisema ni sahihi na kweli? Je wajua unachukua Imani kuamini na kutembea kwa kila tendo kwa kila siku? Bila shaka majibu ya maswali yote hayo ni kweli na hakika.

Lakini nipende kukwambia kwamba japokua kama Imani yako haiendelei kukua katika mahusiano yako na kristo hutaweza kua na Imani kuona ufalme wa Mungu kwako pamoja na matendo yake kwako katika maisha yako na si hivyo tu pia hata katika maisha na vitu vinavyokuzunguka.

Imani uliyonayo ndani yako itabainisha matokeo ya kiwango cha Imani ambacho Mungu atafanyia kazi katikati yako.kama huna Imani ya Mungu kutenda katikati yako/kupita  basi kutakua hakuna nafasi ya kuona fursa au matokeo halisi katika mazingira yako,bali kutakua na nafasi nzuri yaw ewe kutokuona mambo yakichukua nafasi ya kutendeka.

Ngoja nikwambie kitu ambacho kitakusaidia kwenye maisha yako,utakubaliana na mimi kua yale mambo ambayo umeyatumia kwenye maisha yako;muda,pesa,nguvu ndivyo ambavyo vitapiga kelele kuonyesha ni Imani gani uliyonayo hasa unapovikosa.je unapokosa mambo muhimu katika maisha yako ni nini tumaini lako la baadae katika kupata tena na kutazamia tena?

Unaposoma kwenye injili zote za Yesu kwenye Agano jipya utaona jinsi Yesu alivyokuwa na upendo na mar azote alimjibu kila aliyekua na tatizo awe na IMANI.Bwana aliipenda Imani.Ndiyo aliipenda Imani  hasa pale watu walipoweka Imani ta tegemeo kwake.

Mathayo 8:5-13  5  Hata alipoingia Kapernaumu, akida mmoja alimjia,

6  akamsihi, akisema, Bwana, mtumishi wangu amelala nyumbani, mgonjwa wa kupooza, anaumwa sana.

7  Yesu akamwambia, Nitakuja, nimponye.

8  Yule akida akamjibu, akasema, Bwana, mimi sistahili wewe uingie chini ya dari yangu; lakini sema neno tu, na mtumishi wangu atapona.

9  Kwa maana mimi nami ni mtu niliyewekwa chini ya mamlaka, mwenye askari chini yangu; nikimwambia huyu, Nenda, huenda; na huyu, Njoo, huja; na mtumwa wangu, Fanya hivi, hufanya.

10  Yesu aliposikia hayo, alistaajabu, akawaambia wale waliomfuata, Amin, nawaambieni, Sijaona imani kubwa namna hii, kwa ye yote katika Israeli.

11  Nami nawaambieni, ya kwamba wengi watakuja kutoka mashariki na magharibi, nao wataketi pamoja na Ibrahimu, na Isaka, na Yakobo katika ufalme wa mbinguni;

12  bali wana wa ufalme watatupwa katika giza la nje, ndiko kutakuwako kilio na kusaga meno.

13  Naye Yesu akamwambia yule akida, Nenda zako; na iwe kwako kama ulivyoamini. Mtumishi wake akapona saa ile ile.

Mstari kwa 10 unamaana Zaidi katika maandiko haya hapo tatizo kutatuliwa kwa uyu Akida si kwamba Yesu alimwambia atakwenda amponye binti yake bali ni Imani tu iliyokuwemo kwa akida huyu.Ngoja nikwambie Mungu ndiye muweza wa yote lakini linapotokea tatizo kwetu sisi wanadamu uwezo wake hutegemea sana kiwango cha kuamini kwetu(Imani) katika yeye.Wakati Mungu alipomuumba mwanadamu alimpa kitu kimoja cha muhimu sana kitu icho ni nguvu ya kuamua na kuamini.Yaani Mungu alitufanya kuwa waamuzi katika mambo yetu yote hapa duniani na pia alitupatia nguvu katika Imani.

NINI TAFSIRI YA IMANI

Imani ni kichochezi kinachosababisha mambo kutokea katika ulimwengu halisi kabla hata hayajaonekana Dhahiri au kutokea kwa uhalisia wake.

Imani ni uthibitisho,mhuri wa mambo ya ndani yasiyokuwepo na kuyajengea fursa na nafasi kutokea katika mazingira ya kawaida ya baadaye.

Imani ni hatua ya nafsi na moyo ya kutengeneza mazingira ya ndani yasiyokuwepo katika mazingira halisia na kuyafanya yawepo sawasawa na mazingira yaliyoandaliwa kabla.

     Naamini kabisa katika tafsiri izo ambazo Bwana amenipa zitakusaidia kuweza kuelewa nini maana ya Imani.Natambua wengi wetu tumezoea tafsiri ile ya Waebrania ila pia ni vizuri ukichukua na hizi zitakusaidia Zaidi kuweza kukuza kiwango chako cha uelewa.(Ebr 11:1,Rum 10:17-21)

            Maandiko mengine (Mathayo 15:21-28,Marko 5:21-24,Luka 19:1-10)

Pia kitu cha kushangaza ni kwamba Bwana Yesu mar azote aliposemea kuhusu Imani alitwambia kwamba hata ukiwa na Imani kama punji ya haradali(ndogo sana) tunaweza kuhamisha milima.Kwa maana mengine kiwango tu kidogo cha Imani ulichonacho kama utaweza kukitumia ipasavyo kitaweza kufanya mambo makubwa na ya ajabu na kuwashangaza wengi.(Mathayo 17:20,1Wakorintho 13:2).

JE WAJUA KUA IMANI NI MBEGU?

Hapa Yesu alilinganisha Imani yetu kama punji ya haradali,nimefatilia hii punji ya haradali nimepata kuona kua ni mbegu ndogo mno sana yaani ni mbegu ndogo mno duniani kote.Hebu jaribu kufikiria kwanini Yesu aliamua kufananisha Imani ya wanafunzi kama haradali? Ila ilo bado lisikupe shida tambua ukubwa wa mmea haungalii punji au mbegu ya mmea wenyewe cha muhimu ni mbegu na inapopandwa tunategemea iote.nipende kukwambia kua Imani uliyonayo inatafuta mahali ambapo utaweza kuipanda ili iweze kuota na kuzaa.Kila mtu unayemuona amefanikiwa kiimani ni mtu ambaye alishaipanda Imani yake kabla ya matokeo yenyewe ya Imani yake kutokea.Hebu tuangalie mfano wa Ibrahim ni kwa nini anaitwa baba wa Imani? Si tu kwasababu alikua na Imani bali ni matokeo ya kupanda kwa Imani yake kwa Bwana kwa isaka na hadi leo tunaona mti wa Imani na matunda yake ya Ibrahimu.

Mbegu yako ya Imani inakua na maana sana kama umeipanda mahali sahihi na kuisimamia ili iendelee kukua.Imwagilie na kuilisha mbegu yako ya Imani kwa kuipa chakula na lishe bora kwa kusoma neno la Mungu.Nasema haya kwa sababu Biblia inatwambia kua chanzo,kiini cha Imani huja kwa kusikia maneno ya Mungu.

Imani yako ni ngumu kukua na kuendelea kama wewe binasfi hutakuwa na mazingira ya kusikia sauti ya Mungu na kusoma neno lake.Jenga mazingira ya kumwomba Mungu na kuliabudu jina lake.Mambo hayo yote ndiyo yanayolisha Imani yako na kuifanya izidi kukua siku hadi siku.haleluyah (Mathayo 17:20)

Ngoja nikwambie kitu cha kukusaidia ukisoma (Waebrania 4:16) inasema nasi tunao ujasiri;ambapo neno hili likiashiria hasa IMANI ya kumkaribia Mungu na kiti chake cha neema.Hapa kuamini au kua na ujasiri ni kitu kimoja … na pia kutembea katika Imani iyo au ujasiri huo siku kwa siku ni hatua nyingine.

KWANINI IMANI NI YA MUHIMU?

Pasipo Imani haiwezekani kumpendeza Mungu….kila amwendeaye Mungu imempasa aamini yeye yupo…(Waebrania 11:6)

Yesu ni chanzo cha Imani yetu,tumaini na msaada wetu (Yohana 14:6)

Tambua chanzo cha Imani yako huja kwa kusikia (Warumi 10:17)

Tambua kua Imani ni kipawa na hivyo hugawanywa kama roho apendavyo (Efeso 2:8)

Hivyo tambua ya kuwa kama Imani ni kipawa huwezi ukapata popote au kwa uwezo wako binafsi inakupasa umuombe Mungu kwanza,na baada ya kuomba amini ya kuwa umeshapokea na itakuwa kwako.Sasa kazi kwako kutembea nayo maana tayari ni yako.

Unaweza kuomba Zaidi kupewa Imani Zaidi maana usipojenga mazingira ya kukuza Imani yako kama nilivokwambia apo juu Imani itaweza kupunguka.ila kwa upendo wa Bwana tunaweza tukamuomba Imani Zaidi pindi tunaonapo tumepungukiwa (Luka 17:5)

·         ILA AMINI KUWA KILE AMBACHO BWANA AMESEMA KWAKO NI KWELI,NA HATA USIPOKIONA KIMETOKEA KWA NAMNA UNAYOTAKA UTAFANYA KWA NJIA NYINGINE USIYOIJUA.

Tukiangalia sura nzima ya Waebrania 11  tunaona sura karibia yote inaelezea kuhusu wazee wetu wa Imani waliotutangulia wenye tabia asili kama za kwetu lakini walimwamini Mungu kwa kile alichokisema kwao hata kama hayakutokea kama wao walivotaka.Na tunaona hata mengine hayakutokea kabisa kwenye maisha yao lakini bado waliamini na kuishi kwayo.Naamini waliweza kuhuzunika hasa kwa yale ambayo hayakutokea kwenye maisha yao lakini bado walikua na subira na Imani kwa Mungu kua bado atafanya ata kama sio kwao atafanya kwa vizazi vyao vinavyofata.Haikua Imani ndogo ya namna hii.

            Hebu jiulize swali unafanya nini endapo ahadi za Mungu kwako bado hazijatimia kwenye maisha yako?

IMANI NI KITENDO

Tambua kua katika Imani iliyotimilika ni jambo moja.Japokua si kusema tu unaamini bali ni kutenda kile ambacho unakiamini,ili kuonesha ni kiasi gani unaamini.Haleluyah

Watu wengi leo wamekua wazito kuwashirikisha wengine matendo ya Mungu kwao wakiogopa labda watawakera au kuwaudhi au kukataliwa nao.Ngoja nikwambie kitu kama unahitaji kumuona Mungu akitembea kwenye maisha yako na maisha ya watu wanaokuzunguka huna budi kuchukua hatua. (taking risks is a part of stepping out)

·         Bwana John Wimber alisema katika kitabu chake cha Imani alisema kua Imani ni kitendo cha kujihatarisha

·         FAITH IS SPELLED R.I.S.K

Usifikirie sana kujihatarisha kwako kuliko fursa uliyonayo kuwapatanisha watu na Bwana ili waweze kuuona ukuu wake;usifikirie sana ni kiasi gani unaweza kwenda vibaya au ukakosea;Zaidi ya kumwambie Mungu akujaze Imani yake ili uweze kuwaambia wengine ukuu wake(Matendo 1:8) Mstari huu unalenga hasa namna ya kuwaeleza watu kile tulichokiamini tukiwa na kisto(IMANI)

WASHIRIKISHE WENGINE IMANI ULIYONAYO

Ni jambo jema sana kuwaambia kile unachoamini kwa kile ambacho umekiwekea kwa Bwana maana kumbuka kua Imani sio tendo la siri ni vyema uwashirikishe wengine kile unachokiamini katika Bwana.

·         Elezea Kusudi la Mungu na Amani yake (warumi 5:1,yohana 3:16,10:10)

UMUHIMU WA IMANI

1.       KUMPENDEZA MUNGU. Mungu anapendeza sana na mtu mwenye Imani kubwa na Zaidi ya apo hakuna njia nyingine unayoweza kumpendeza Mungu(ebra 11:6)

2.      KUHESABIWA HAKI. Abraham alishesabiwa haki kwa ajili ya Imani (Mwanzo15:6)

3.      TUNAFANYIKA KUWA WANA WA MUNGU. Kupitia Imani tunakuwa watoto wa Mungu yaani warithi ahadi zile za Mungu alizotuahidia kabla ya kuwekwa misingi ya ulimwengu ni jambo la Baraka sana kupata heshima kubwa namna hii.ni kwa njia ya Imani tu

4.      KUISHI MILELE. Wale wenye Imani katika Bwana tunaamini kuishi milele (Galatia 3:11)

5.      MAOMBI YANAJIBIWA KWA IMANI.Mungu huwajibu sana wale wenye Imani kwamba ataweza kufanya hata kama kwa kibinadamu tunaona haiwezekani ila kwake kuna tumaini bado.Hapa wale watu wenye hofu,wasiwasi na mashaka Mungu hashughuliki nao ni vyema kujenga Imani ndani ya Bwana atatenda tu maana hajawahi kushindwa (Marko 11:22-24)

6.     KUPOKEA AHADI

7.      IMANI NI NGAO.Katika dunia hii ya uovu hatutaweza kuishi bila ya kuwa na ngao ambayo ndiyo Imani yetu (efeso 6:16)

8.     TUNASAMEHEWA DHAMBI KWA IMANI (marko 2:5)

9.     UHAKIKA WA WOKOVU

Kumbuka kwa kadiri unavozidi kuweka tumaini lako kwa Mungu ndivyo kiwango cha Imani yako kinazidi kuongezeka siku hadi siku.

Kumbuka pia kuwa Imani inatuba shuhuda juu ya kunena na kutangaza matendo makuu ya Mungu aliyotutendea siku hadi siku.

Kumbuka pia Mungu yupo wazi sana na halisia Zaidi endapo kama atapata mtu mwenye Imani dhabiti duniani katika kufanya mapenzi yake (2 Nyakati 16:9a).Huu umekua moja kati ya mistari yangu ya muhimu sana kwenye maisha yangu ya kuwa macho yapo duniani kote nanazunguka na kutafuta kama kuna mwenye Imani ya kweli mtu mwaminifu ili kutenda jambo pamoja naye.Hapa ni wewe mwenyewe kuwa mnyenyekevu ili Mungu akufanye vazi lake akuvae ili uweze kutumika sawasawa na mapenzi yake.

Kumbuka Imani si kitu kirahisi kukupata hivyo pia hata watu wa Imani huwa nadra sana kuwapata.(zaburi 20:6).Ni kweli watu wengi husema kuwa wanamtumainia Bwana lakini matendo yao ni tofauti sana na kile wanachokisema maana Imani ni matendo na pasipo matendo haifai imeshakufa.  itaendelea...

IMEANDIKWA NA KUANDALIWA NA; JAMES  MZAVER

MAWASILIANO: 0762759621, 0625782324

   

UBARIKIWE SANA