UMUHIMU WA MAOMBI KATIKA MAISHA YAKO YA KILA SIKU

UMUHIMU WA MAOMBI KATIKA MAISHA YAKO YA KILA SIKU

Na James F.Mnzava

Bwana Yesu asifiwe sana.Nipende kukukaribisha tena katika mfululizo mwingine wa masomo na mafundisho yangu.Maombi ni eneo ambalo sote linatuhusu na kuathiri wengi wetu pia,hatutaweza kuishi pasipo maombi,hatutaweza kumshinda shetani pasipo maombi,hatutaweza kushinda majaribu pasipo maombi,hatutaweza kufanikiwa kiroho na kimaisha pia kama hatuombi.Kiujumla maombi yana asilimia kubwa sana katika maisha yetu sote hapa duniani.Fuatana nami katika somo hili mwanzo hadi Mwisho bila shaka hautakuwa kama ulivo.

MAOMBI NI NINI?

Watu wengi wamekua  wakitafsiri maombi katika aina mbalimbali n ahata wengine wamekuwa wakipotosha maana halisi kwa kutamka tafsiri zao ambazo sio sahihi.

Maombi ni Kumpa Mungu ruhusa na haki ya kuingia na kutenda,katika mazingira yetu yanayoonekana na yasiyoonekana.

Najua wengi wamezoea tafsiri mbalimbali lakini katika somo hili embu tujaribu kwenda na tafsiri hii niliyokupa hapo juu na uone ni kwa jinsi gani inaweza kufanya kazi katika maisha yako.

TAMBUA NI KUSUDI TULILOITIWA KUOMBA

Kama wewe umeokoka tambua kabisa Moja ya kusudi kubwa la sisi kuwepo hapa duniani ni maombi usisahau ilo.

·         2 Nyakati 7:14 14  ikiwa watu wangu, walioitwa kwa jina langu, watajinyenyekesha, na kuomba, na kunitafuta uso, na kuziacha njia zao mbaya; basi, nitasikia toka mbinguni, na kuwasamehe dhambi yao, na kuiponya nchi yao.

·         Luka 18:11  Akawaambia mfano, ya kwamba imewapasa kumwomba Mungu sikuzote, wala wasikate tamaa.

·         Waefeso 6:17-18 17  kwa sala zote na maombi mkisali kila wakati katika Roho, mkikesha kwa jambo hilo na kudumu katika kuwaombea watakatifu wote;

18  pia na kwa ajili yangu mimi, nipewe usemi kwa kufumbua kinywa changu, ili niihubiri kwa ujasiri ile siri ya Injili;

·        1 Thessalonike 5:16 16  ombeni bila kukoma;

·        Mathayo 16:19-20 19  Nami nitakupa wewe funguo za ufalme wa mbinguni; na lo lote utakalolifunga duniani, litakuwa limefungwa mbinguni; na lo lote utakalolifungua duniani, litakuwa limefunguliwa mbinguni.

Mathayo 18:18-20 18  Amin, nawaambieni, yo yote mtakayoyafunga duniani yatakuwa yamefungwa mbinguni; na yo yote mtakayoyafungua duniani yatakuwa yamefunguliwa mbinguni.

19  Tena nawaambia, ya kwamba wawili wenu watakapopatana duniani katika jambo lo lote watakaloliomba, watafanyiwa na Baba yangu aliye mbinguni.

20  Kwa kuwa walipo wawili watatu wamekusanyika kwa jina langu, nami nipo papo hapo katikati yao.

 MAKUSUDI YA MSINGI YA MUNGU KATIKA MAOMBI

Maombi ni Zaidi ya kuwasilisha haja zetu na mahitaji yetu kwa Mungu.Kusudi halisi la Mungu juu ya maombi ni kumjua yeye,kumwabudu yeye na kuhisi uwepo wa Roho wake katika haja zetu.

Maombi ni njia ambayo tunajifunza kuwasiliana,kuzungumza na Bwana na kuisikia sauti yake.

Maombi yanaturuhusu kutakaswa na Kristo na kujenga ufalme wake duniani kama huko Mbinguni

Maombi yanatuwezesha sisi kukaa ndani yake na yeye kukaa ndani yetu.

Moja ya kati ya siri kuu ya maombi ni nafsi zetu kufungamanishwa na makusudi ya Mungu kwetu

Maombi situ kile tunachoweza kukipata kwa Mungu;bali Mungu hutimiza mapenzi na makusudi yake kupitia sisi kama yeye mwenyewe apendavyo

Makusudi ya Mungu lazima yatimie katika kila ombi unaloomba kwake haijalishi ni kwa namna ulivyotaka au usivyotaka (Zaburi 33:11)

MATARAJIO YA ROHO ZETU TUNAPOKUWA KWENYE MAOMBI

·         Tunapoongea na  Mungu tunashikamanishwa naye

·         Tunafikia makusudi ya umoja wa pamoja katika Kristo

·         Katika maombi tunaunganisha yasiyoonekana pamoja na nafsi zetu na roho zetu katika Bwana wetu

·         Katika maombi tunaweza kuyaita na kuyafanya yanayoonekana na yasiyoonekana yawe sawasawa na haja zetu kwa njia ya Imani ( Warumi 4:17)

UNAPOOMBA KUMBUKA HAYA

·         Unamruhusu Mungu kuliheshimu jina neno lake katika neno lake

·         Unampa fursa ya Mungu kuja na kutimiza yale aliyoyaahidi kwako na kwa wale unaowaombea

·         Kupitia maombi unafanya ufalme wa Mungu uje duniani kama huko Mbinguni

·         Unajiwekea hazina ya maombi yatakayokusaidia wewe na wengine pindi unapokuwa kwenye wakati mgumu

·         Unajipamba kwa mapambo yasiyo na thamani.(Taji ya Baraka na thawabu)

MTUKUZE MUNGU KWENYE MAOMBI YAKO

·         Maombi yanajenga mahusiano ya kirafiki na halisia na Mungu (Mathayo 23:37, Yohana 17:3)

·         Jifunze kumtukuza Mungu kwa yale aliyokupa maishani

·         Jifunze kuomba Mungu afunue kusudi la maisha na mwito wake kwako

·         Maombi yanajenga Imani katika upendo wa Mungu

·         Jifunze kuomba maombi yanayoendana na ahadi za Mungu kwako

OMBA MAOMBI YAPASAYO YATAKAYOKUPA FAIDA

·         Utagundua maisha yanayopasa kuishi pamoja na ulinzi wa Bwana juu yako

·         Uwezo wako wa kutambua na kusikia sauti ya Mungu utaongezeka siku hadi siku (Yakobo 1:5, Yeremia 29:13)

·         Nguvu yako ya kiroho na ya kihuduma itazidi kuongezeka siku baada ya siku (Yohana 14:12-14 , Matendo 1:8)

·         Utapokea uwezo na kipaumbele wa kusikilizwa na Mungu hakuna hitaji ambalo Bwana atalinyamazia kwako (Yohana 15:7)

·         Utapokea nguvu mpya ya kuweza kusimama na kushinda katika majaribu ya aina mbalimbali pamoja na mapambano ya kiroho (2 Wakorintho 10:3-5)

·         Roho Mtakatifu atakufunza Zaidi kuwaombea wengine walioshindwa na kupitia wewe wengi wataokolewa

·         Utapokea nguvu ya kuweza kuomba juu ya uamsho katika kanisa lako pamoja na eneo unaloishi (Ezekiel 22:30)

MAOMBI NI YA MUHIMU KWA SABABU NI MAWASILIANO YETU NA MUNGU

Viongozi wengi wa kidini wamekuwa wakiongelea kuhusu maombi ila Yesu aliliongelea hilo kwa njia tofauti pia kuomba kwake kulikua tofauti na kwa aina yake pia(Luka 6:12) Hapa tunaona jinsi alivyokesha usiku kucha akimuomba Mungu.Alikua akiwasiliana na Baba yake;mawasiliano ndiyo njia kuu ya kuweza kuelewana na kuishi kwa pamoja na kama yakiharibika hakutakua na Amani wala utulivu.Hebu chukulia hata kwenye ndoa kama mme na mke hawasiliani unadhani nini kitatokea?Vivyo hivyo hata sisi na Mungu mawasiliano nay a muhimu sana na Mungu wetu

.

MAOMBI NI MUHIMU KWA KUA NI NJIA YA KUSHUKURU

Kabla Yesu hajawalisha wale watu 5,000 alianza maombi yake kwa kushukuru

Mathayo 15:36  36  akaitwaa ile mikate saba na vile visamaki, akashukuru akavimega, akawapa wanafunzi wake, nao wanafunzi wakawapa makutano.

Katika maisha yetu ya kawaida imekuwa ni vigumu kwa watu kutanguliza shukrani kwa Mungu kabla ya kuanza.Wakristo wengi hasa wanapokuwa katika maombi wengi wao huanza kuomba kwa kuanza moja kwa moja na matatizo yako jambo ambalo ata Kristo hakulifanya katika maombi yake yeye alianza kwa kushukuru kwanza.Jifunze kushukuru

MAOMBI NI MUHIMU KWA KUA NI NJIA YA UPATANISHO

Maana nzuri ya neno upatanisho ni kuomba badala ya au kutamka badala ya mtu mwingine.Kupitia maombi Mungu ametupa nafasi ya kuweza kusimama badala yaw engine kwa kuwaombea mahitaji yao na Mungu akafanya kazi (1Timotheo 2:1).Je ni muda gani unachukua kuomba kwa ajili ya familia yako,majirani zako,Taifa lako pamoja na wengine wanaokuzunguka?

MAOMBI NI MUHIMU KWA KUA NI NJIA YA KUSAMEHEWA DHAMBI ZETU

Hatutaweza kupata msamaha wa Mungu kwa njia yeyote ile isipokuwa ya kumwendea Mungu kwa njia ya maombi (Zaburi 69:5)

AMEN!!

Imeandaliwa na kuandikwa na;                 JAMES F.MZAVA

Mawasiliano;                                                     0762759621,  0653194411

                              jamesmzava@gmail.com